PULEBARDHA E DASHURISE

do të ketë gjithnjë të dashuruar
të ndarë do të ketë e të harruar
do ketë dhe njerëz që një mëngjes 
në plazhin e braktisur do të ngatërrojnë
pulëbardhën
me shkumën e bardhë të valëve
dhe gjithmonë do të ketë një poet të krisur
që larg...
shumë larg do të notojë
pulëbardhën të kapë
a mes shkumës së bardhë të dallgëve
përjetë të humbasë...

1996 © Artan Gjyzel Hasani