IKJEARDHJE

sa herë që vjen e ikur je…
u lodha nga pyjet, yjet e lëndinat
malet e fushat, përrenjtë dhe kodrinat
qiejt e kubetë, aurorat magjepëse
lotët e dënesat… fjalët rrënqethëse

të kam e s’të kam e s'jemi ç'pandehim
vallë ç'të ngroh më shumë
prekja e duarve a ëndërrimet
flaka n’ajri a prushi te mangalli?
..............................................
hapësirë të fala të më harrosh
se edhe kujtimet…
kohë jepmë të më mungosh
se edhe malli …

© Artan Gjyzel Hasani