Dashuria është një
aksident,
përplasje,
devijim,
greminë,
rrëshqitje,
viktima,
njerëz që kërkojnë provat
nga vendngjarje,
kurreshtarë ngatërestarë,
dëshmitarë okularë të verbër,
gjithmonë të verbër.
Dashuria është një
aksident,
pasojë e rrugës së keqe,
e rrugës së lagur,
e shpejtësisë,
e ngadalësisë,
e parkimit në vend të gabuar,
e krahut të gabuar,
pasojë
e motit të keq,
e shiut a stuhisë,
mjegullës a verbërisë
apo
pasojë e një gote më shume
në një dëshirë
për t'u dehur një natë të ftohtë...
Dashuria është aksident...
një autombulancë gjithmonë
e vonuar
transporton viktimat
ca për në martesë
e ca për në
reanimacionin
apo morgun
e saj.
